ጥቅምት ፫

✝✞✝ አቡነ በርተሎሜዎስ ዘደብረ ዘመዳ ✝✞✝

=>እኒህ ታላቅ ጻድቅ እየተረሱ ከሚገኙ ዓበይት ኢትዮዽያውያን ቅዱሳን አንዱ ናቸው:: ጻድቁ ተወልደው ያደጉት በ13ኛው መቶ ክ/ዘ በሸዋ ቡልጋ አካባቢ ነው::

+የምናኔ ሕይወትንና ምስጢራትን የተማሩት በደብረ ሊባኖስ ሲሆን መምህራቸው ታላቁ ሐዋርያ አቡነ ተክለ ሃይማኖት ናቸው:: በጊዜው ጣኦት አምልኮን ከኢትዮዽያ ለማጥፋትና ክርስትናን ለማስፋት ተመርጠው ከተሾሙ ዓበይት ንቡራነ ዕድ አንዱ መሆናቸው ይነገርላቸዋል::

+በዘመናቸው ሁሉ በክህነት አገልግሎት ተግተዋል:: በሃገረ ስብከታቸውም አብርተዋል:: በተለይ በወሎና አፋር ድንበር አካባቢ ለስብከተ ወንጌል መዳረስ ብዙ ተፋጥነዋል::

+ጻድቁ በጣም የሚታወቁት በደብረ ዘመዳ (ደብረ ዘመዶ) ወሎ ሲሆን የዚህ ታላቅ ገዳም መሥራችና መምህር እርሳቸው ናቸው:: በዚህ ገዳም ለሃገርም : ለቤተ ክርስቲያንም ጠቃሚ የሆኑ ብዙ መጻሕፍትና ንዋያተ ቅድሳት ይገኛሉ::

+ዋናዋና ውዷ ሃብት ግን ወንጌላዊው ቅዱስ ሉቃስ እንደሳላት የሚነገርላት የድንግል እመቤታችን ስዕለ አድኅኖ ናት:: ይህች ስዕል መልኩዋ የሚቀያየር ሲሆን ቅዱስ ዮሐንስ የሚባል ደግ ሰው እንዳመጣት ይታመናል:: ቅዱሱ የተቀበረውም በዚያው በደብረ ዘመዳ ነው::

+ጻድቁ አቡነ በርተሎሜዎስ ግን ብዙ ተጋድለው : በእልፍ አፍርተው : እድሜንም ጠግበው : በ14ኛው መቶ ክ/ዘ አርፈዋል:: በገዳማቸውም ተቀብረዋል:: ዕረፍታቸው (ጥቅምት 4) እንደሆነ አባቶቻችን ቢነግሩንም "የቅዱሳን ታሪክ" ጥቅምት 3 ነው ይላል::

<< የጻድቁ አባት በረከታቸው በዝታ ትደርብን:: >>

        ✞ ወስብሐት ለእግዚአብሔር ✞

"መንግሥተ ሰማያት ቀርባለችና ንስሐ ግቡ::"    /ማቴ ፫:፫/

ዝክረ ቅዱሳንን ተማሩ ብለን እንለምናችኋለን!!።

"ፍቅር ያጌብረኒ ከመ እንግር ዜናሆሙ ለቅዱሳን"የቅዱሳንን ዜና(ታሪክ)እንድመሰክር ፍቅር ያስገድደኛል::አባ ጊዮርጊስ ዘጋስጫ መጽሐፈሚስጥር
🔊ሁሉም እንዲያነበው invite shareያርጉ
መንፈሳዊ ፅሁፎች፣ስእሎች ካሎት
@FasilKFCይላኩልን
✝ኦርቶዶክስ ለዘላለም ትኑር
Join Us Today And Lets learn Togethellettps://gondarmaheber.blogspot.com
https://t.me/Be_ente_semoa_le_mareyam
━━━━━━━༺✞༻━━━━━━━